АЛАТАУДА ЖАТ АҒЫМДАРҒА ҚАРСЫ СЕМИНАР ӨТТІ
Алатау қаласында жат діни ағымдардан сақтандыру бағытында дін қызметкерлеріне арналған маңызды семинар ұйымдастырылды. Іс-шара Қазақстан мұсылмандары діни басқармасының 2025 жылға арналған жұмыс жоспары аясында өтті.
Семинарды қаланың бас имамы Қуаныш Жұмаханұлы ашып, дәстүрлі емес ағымдардың жастар арасында таралу қаупін атап өтті. Ол бұл бағыттағы жауапкершіліктің тек дін қызметкерлеріне ғана емес, бүкіл қоғамға ортақ міндет екенін баса айтты.
Кездесуде жат ағымдардың белгілері, олардың қоғам мен дінге тигізер зияны, сондай-ақ жастармен тиімді жұмыс жүргізу жолдары кеңінен талқыланды. Қатысушылар тәжірибе алмасып, жергілікті деңгейде жүзеге асырылатын нақты іс-шаралар жоспарын ұсынды.
Ақпараттық-түсіндіру жұмыстарының сапасын арттыру, әлеуметтік желілердегі белсенділік пен жастарға жақын тәсілдерді қолдану – басты назарда болды.
Бұл басқосу — қоғамның рухани қауіпсіздігін сақтау жолындағы маңызды қадамдардың бірі.
