АЛМАТЫ ОБЛЫСЫНДА «MUNARATV» ТЕЛЕАРНАСЫНЫҢ ЖАҢА СТУДИЯСЫ АШЫЛДЫ
Алматы облысы, Қонаев қаласында Қазақстан мұсылмандары діни басқармасының Төрағасы, Бас мүфти Наурызбай қажы Тағанұлы «MunaraTV» телеарнасының жаңа студиясының ашылу рәсіміне қатысты.
Іс-шара барысында Бас мүфти жаңа студияның жұмысымен танысып, студия ұжымына сәттілік тіледі.
Жаңа студия заманауи техникалық құралдармен жабдықталып, сапалы діни-ағартушылық контент дайындауға мүмкіндік береді. Студия ұжымы алдағы уақытта телеарна көрермендеріне бағытталған түрлі рухани, танымдық және ақпараттық бағдарламаларды ұсынуды жоспарлап отыр.
Айта кетейік, «MunaraTV» телеарнасы Қазақстан мұсылмандары діни басқармасының ақпараттық-ағартушылық бағыты аясында жұмыс істеп, діни саладағы жаңалықтар мен рухани-танымдық бағдарламаларды жүйелі түрде көрермен назарына ұсынып келеді.
