Алматы облысында «Зекет және қайырымдылық» қоры ұшыр зекетін насихаттады
Алматы облысы, Алатау қаласында ҚМДБ «Зекет және қайырымдылық» қорының директоры Мақсатбек Мақсотұлы жергілікті диқандармен кездесу өткізді. Шараның негізгі мақсаты – егін өнімінен берілетін ұшыр зекетінің маңызын түсіндіру және қайырымдылыққа үндеу болды.
Кездесу барысында қор директоры ұшыр жайында уағыз-насихат айтып, диқандарды алған өнімдерінің белгілі бір бөлігін мұқтаж жандарға арнауға шақырды.
Жергілікті диқандар өз өнімдерінің бір бөлігін қайырымдылыққа ұсынып, төмендегідей көлемде жеміс-жидек пен көкөніс жинады:
-
Картоп – 600 кг
-
Сәбіз – 180 кг
-
Пияз – 150 кг
-
Алма – 80 кг
-
Асқабақ – 180 кг
-
Қырыққабат – 120 кг
-
Қызанақ – 80 кг
-
Бұрыш – 100 кг
-
Қарбыз – 150 кг
-
Қауын – 100 кг
Жалпы салмағы – шамамен 1,74 тонна.
Жиналған барлық өнім Алматы облысындағы Үшқоңыр медресе-колледжіне табыс етіліп, студенттердің асханасына пайдалануға тапсырылды. Бұл игі іс қала тұрғындарына ұшыр зекетінің рухани мәнін түсіндіріп қана қоймай, қоғамдағы өзара қамқорлық пен бірлікті нығайтуға үлес қосты.
