ІЛЕ АУДАНЫНДА ИМАМДАР МАРАПАТТАЛДЫ
Алматы облысы, Іле аудандық «Сәбденұлы Өтеген батыр» мешітінде имамдарға жылдық қорытындылау жиыны өтті.
Жиын барысында Іле ауданының бас имамы Дархан Аманұлы облыстан келген тапсырмаларды имамдарға жеткізіп, жыл бойы жасаған, орындалған істерге алғысын білдірді.
Қызмет барысында жоғары нәтиже көрсеткен Қосөзен ауылдық мешітінің бас имамы Медеуов Болат «Үздік имам-2024» атанса, «Сәбденұлы Өтеген батыр» мешітінің наиб имамы Бақбергенов Джанибек «Үздік наиб имам-2024», Екпінді ауылдық мешітінің имамы Жарылқасын Жақсылық «Үздік ұстаз-2024», Түймебай ауылдық «Исмайл ибн Ибраһим» мешітінің ұстазы Бисенбаева Гулайым «Үздік ұстаз-2024» деп танылды.
Сондай-ақ, жергілікті әйел ұстаздарға да аудан бас имамы алғыс айтып, сыйлықтар табыстады.
Жиын соңында ақсақалдар бата беріп, дін қызметкерлеріне ақ дастархан жайылды.
