КЕГЕНДЕ «ИМАНИ ЖАЗ-2024» ШӘКІРТТЕР АРАСЫНДА САЙЫС ӨТТІ (ФОТО)
Алматы облысы, Кеген ауданы «Әулие Абыз Әлмерек баба» мешітінің ұйымдастыруымен аудан деңгейінде «Имани жаз – 2024» шәкірттер арасында сайыс өткізілді.
Сайысқа Кеген ауданына қарасты ауыл мешіттерінің шәкірттері қатысып, бақтарын сынады. Іс-шара Ернияз қаридың қасиетті Құран аяттарын оқуымен басталып, аудан ақсақалы Саят мырза батасын берді. Алматы облыстық мешітінің наиб имамы Сәкен Еншібайұлы облыстың өкіл имамы Мадияр қажы Тағайбайұлының сәлемін жеткізіп, шәкірттерге сәттілік тіледі.
Өз кезегінде Кеген ауданының бас имамы Моллақанағатұлы Рахматулла сайыс шарттарына тоқталып, қазылар алқасын таныстырды. Төрелік еткен: Алматы облыстық мешітінің наиб имамы Сәкен Еншібайұлы, Қарасай ауданы бойынша оқу-ағарту бағытына жауапты маманы әрі «Көлдімерей» мешітінің имамы Қайырбаев Айдын, Жалағаш ауылының бас имамы Еркебұлан Атамбек әділ бағасын берді.
Аталған сайысқа 36 шәкірт қатысты. Сайыс екі бағытта, бірі — құран оқу бойынша болса, екіншісі «Имандылық әліппесі» кітабынан өткізілді. Құран жарысы бойынша І-ші орынды Еркебұлан Нұрислам 70 000 теңге қаржылай сыйақы иегері, ІІ-орын Перизат Істілеу 50 000 теңге иегері, және ІІІ-орынды Нұрбай Ислам қаржылай 30 000 теңге иегері атанды. Ал «Имандылық әліппесі» кітабынан І-орынды Нұрбай Дидахмет 70 000 теңге ұтып алса, ІІ-орынды Болат Әсия 50 000-теңге иегері атанды. Жүлделі ІІІ-орынды Ардақұлы Әмірхан 30 000-теңге сертификатын қанағат тұтты. Барлық шәкірттерге оқу курсына белсенді қатысқаны үшін арнайы дипломдар және 10 000 теңге ынталандыру сыйлығы берілді. Марапаттау сәтінен соң балаларға арнайы дастархан жайылды.
