«MUFTIYAT» БАСПАСЫНЫҢ КІТАПТАРЫ ТАНЫСТЫРЫЛДЫ
Алматы облысы бойынша өкілдік имамдарына «MUFTIYAT» баспасынан жарық көрген «Бабалар ізімен: Қазақ даласындағы мұсылмандық мектеп» кітабы, «Дін мен дәстүр ІІІ» және «Үміт сәулесі» кітаптары таныстырылды.
Іс-шараға ҚМДБ наиб мүфтиі Кенжеәлі қажы Қоңыратбайұлы, Алматы облысының бас имамы Мадияр Тағайбайұлы, зиялы қауым өкілдері мен аудан имамдары қатысты. Асыл дініміз исламның Қазақ даласына келу тарихы, халқымыздың әдет-ғұрпы мен салт-дәстүріндегі діннің алар орны мен бабалар ұстанған шариғат парыздары, иман негіздері, сондай-ақ мұсылмандық әдеп жоралғылары қамтылған құнды кітап оқырманға жол тартты.
Ал «Дін мен дәстүр ІІІ» кітабы дін мен дәстүр сабақтастығын ұдайы насихаттау бағытында қолға алған жоба негізінде жарық көрген кітаптар тізбегінің жалғасы. Сонымен қатар «Үміт сәулесі» кітабы қалың оқырманға арналған құнды еңбек. «MUFTIYAT» баспасынан жарық көрген кітапты имамдар мен оқырман қауым қуана қабыл алды.
