ҚАРАСАЙ АУДАНЫ:»ЖАҚСЫЛЫҚ» ЖАСТАР ТОБЫ ҚҰРЫЛДЫ
Алматы облысы, Қарасай ауданы, Жібек жолы ауылы, “Үшкемпірұлы Жақсылық” мешітінде жақсылыққа жанашыр, дамушы ерікті жастарға арналған “Жақсылық” жастар тобы құрылды.
Еріктілердің алғашқы жиналысында топтың мақсаты мен мүддесі таныстырылып, алдағы уақытта істейтін қайырымдылық іс-шаралары талқыланды.
Топтың мақсаты: Жастардың рухани өсуі мен әлемнің көркеюіне ықпал ету, қоғамға пайдалы болу. Жиын барысында мешіт имамы Шохан ұстаз қазақ арысы Мағжан Жұмабаев атамыздың “Мен жастарға сенемін” атты өлеңін ашықтап, жастарды жігерлендірді.
Жастар- еліміздің болашағы. Бұл топта ерікті жастар жақсылық жасауды әдетке айналдырып, тұлға ретінде, қалыптасып, апта сайын кітап оқып, рухани орта арқылы жақсы достармен араласып белсенді бола алады. Сонымен қатар жастарға тимбилдинг, семинар және өзара спорттық және рухани іс-шаралар ұйымдастыру жоспарлануда.
