«Рамазанда бір тал ек» акциясы Ұйғыр ауданында жалғасты
ҚМДБ Төрағасы, Бас мүфти Наурызбай қажы Тағанұлының бастамасымен өңірлерде қоршаған ортаны қорғау, табиғатты аялау мақсатында жүзеге асып жатқан «Рамазанда бір тал ек» акциясы Алматы облысы Ұйғыр ауданы Сүмбе ауылында жалғасын тапты.
«Атадан мал қалғанша, тал қалсын» деген ұлағатты сөзді ту еткен Ұйғыр ауданының дін қызметкерлері Сүмбе ауылында орналасқан Қарақұл батыр саябағына 50 түп ағаш отырғызды.
