РАНТ МҮШЕСІ ҚАПШАҒАЙ МЕШІТІНДЕ УАҒЫЗ АЙТТЫ
ҚМДБ пәтуа бөлімінің маманы, Рант мүшесі Құрсақов Медет Құрмашұлы Алматы облысының орталығы «Қапшағай» мешітінде жұма уағызын айтты.
Ұлттық мереке Республика күнімен тұспа-тұс келген қасиетті жұма күні «Отанды сүю иманнан» тақырыбында жамағатқа уағыз айтты. Сонымен қатар мешіт жамағаттары арасында жас отбасын құрған ер азаматтармен кездесу өткізді. Кездесу барысында ислам дініндегі отбасы мәселелері мен дәстүр құндылығын тілге тиек етті. Жамағат көкейіндегі отбасы мәселелеріне қатысты сұрақтарына толыққанды жауап берді.
