Талғар ауданы: Шәкірттерге дастарқан жайылды
ҚМДБ тарапынан бекітілген бес бағыттың бірі – «Діни оқу-ағарту» бағытының жылдық жоспарына сәйкес Алматы облысының мешіттерінде «Имани жаз – 2024» жазғы сауат ашу курсы өз жұмысын жалғастыруда.
Талғар ауданына қарасты мешіттерде аталмыш сауат ашу курсы жоғары деңгейде ұйымдастырылып, шәкірттер имандылық бағытында сабақтар алуда.
Шәкірттерді сергіту үшін және оларға жақсы көңіл күй, ерекше әсер алуларына жағдай жасау мақсатында Талғар ауданының бас имамы Ерқанат Серікұлы балаларды «Бауырдақ» дәмханасына алып барып, ақ дастарқан жайды.
