ҰЙҒЫР АУДАНЫ: ШОНЖЫ АЗАМАТТАРЫМЕН КЕЗДЕСУ ӨТТІ
ҚМДБ Алматы облысы өкілдігі, Ұйғыр аудандық орталық мешітінің бас имамы Ануархан Ғазизұлының ұйымдастыруымен ауданның және Шонжы ауылының азаматтарымен кездесу өтті.
Муфтияттың биылғы жылды “Ислам және дәстүр құндылықтары”жылы деп атауына орай өткізілген жиын барысында 5 бағыт бойынша жұмыстар таныстырылды. Дін мен дәстүріміздің егіз ұғым екенін, осы бағытты жаңғырту жолында ұжымдасып бірлесе жұмыс жасауды ұсынды. Сөз арасында жігіт басылардың бірқатар сұрақтарына тұшымды жауап берілді. Келелі кездесу соңында үлкен кісілер ақ батасын беріп, өз ақ жарқын тілектерін айтты.
