“ЖАҚСЫЛЫҚ ҮШКЕМПІРҰЛЫ” МЕШІТІНДЕ МӘУЛІТ МЕРЕКЕСІ АТАП ӨТІЛДІ
Алматы облысы, Қарасай ауданы, Жібек жолы ауылындағы “Жақсылық Үшкемпірұлы” мешітінде “Адалдық жаршысы Мұхаммед (ﷺ)” атты мәуліт кеші ұйымдастырылды.
Мерекелік кеш Алланың кәләмі – Құран аяттарымен басталып, жиналған жамағатқа Мұхаммед пайғамбарымыздың (оған Алланың салауаты мен сәлемі болсын) өмірінен өнеге алып, мәуліт ұғымының мән-мағынасы түсіндірілді. Пайғамбарымызға (оған Алланың салауаты мен сәлемі болсын) арнап ұстаз Абдулмәжит мәуліт оқыды.
Пайғамбарға деген сүйіспеншілікпен жиналған 250-ге жуық ерлер мен әйелдер қауымына мол дастархан жайылып, қызықты ойындар ойнатылып, сыйлықтар табысталды. Сонымен қатар мәулітке қатысты арнайы марапаттар берілді:
“Сүннеттің сардар сақшысы”
“Мәуліттің мейірім гүлі”
“Сүйікті Пайғамбарымыздың (с.ғ.с.) өмірін терең таныған жанға”
“Салауатпен жүрегін нұрландырған жан”
“Пайғамбарымыздың (с.ғ.с.) есімін құрметтеген отбасы”
“Пайғамбарымыздың (с.ғ.с.) ұл-қыздарының есімін ұрпағына сыйлаған жан”
“Жүректерді тебіренткен дауыс”
“Мәуліттің шырақшысы”
Әр қатысушыға құнды сыйлықтар табысталды.
Қорытынды сөзді мешіт имамы Шоқан ұстаз сөйлеп, іс-шараның жоғары деңгейде өтуіне ұйымшылдықпен атсалысқан Бақытұлы Мирас мырзаға және барлық ұстаздар мен ерлер және әйелдер жамағатына алғыс білдірді.
