БАЛҚАШ АУДАНЫ: СТУДЕНТТЕРМЕН КЕЗДЕСУ ӨТТІ
Балқаш ауданының жастар ресурстық орталығының ұйымдастыруымен Балқаш аудандық орталық «Оспанқожа ата » мешітінің наиб имамы Катбашев Нұрхан Қанатұлы Бақанас аграрлы-индустриалдық колледжінің ұстаздары және студенттерімен « Қазақы отбасындағы құндылықтар » тақырыбында кездесу өткізді.
Кездесу барысында наиб имам жастарға пайдалы насихаттарымен бөлісті. Қазақтың салт-дәстүрі мен әдет-ғұрыптарын жоққа шығаратын діни ағымдардан сақ болуға шақырып, деструктивті ағымдардан қорғанудың түрлі әдіс-тісілдеріне тоқталып өтті. Жастардың уақытын үнемді пайдаланып, отбасындағы маңызды құндылықтарды қадірлеуді ескертті. Әлеуметтік желіні дұрыс пайдалану туралы кеңестер айтылды. Кездесу барысында ұстаздар мен студенттер сұрақтарын қойып,толыққанды жауап алды.
