Алатау қаласында шәкірттер емтихан тапсырды
Алатау қаласында «Құран әліппесі» және «Намаз» курстары бойынша мешіт шәкірттеріне арналған емтихан өткізілді.
Шараға Алматы облысы бойынша діни оқу-ағарту бағытының жауапты маманы Сәкен Еншібайұлы арнайы қатысып, емтихан барысын қадағалады. Сондай-ақ Алатау қаласының бас имамы Қуаныш Жұмаханұлы шәкірттер мен ата-аналарға ізгі тілегін жеткізді.
Білім сынағына Жетіген, Жаңаталап, Жаңадәуір, Қоянқұс және Дәулет шағын аудандарындағы мешіттерден келген шәкірттер қатысып, алған білімдерін ортаға салды. Нәтижесінде 26 шәкіртке сертификат табысталды.
Іс-шара соңында Ережепхан ақсақал бата беріп, жас өрендерге ақ жол тіледі. Балаларға балмұздақ таратылып, мерекелік көңіл күй сыйланды.
