preloader

Жаңалықтар

Алматы облысы имамдарының кезекті көшпелі жиналысы өтті

Алматы облысы имамдарының кезекті көшпелі жиналысы өтті

«Ислам және дәстүр құндылығы» жылы аясында Еңбекшіқазақ ауданында Алматы облысы имамдарының кезекті көшпелі жиыны өтті.

Алқалы жиында Қонаев қаласы және Балқаш, Еңбекшіқазақ, Жамбыл, Кеген, Қарасай, Райымбек, Талғар, Ұйғыр, Іле аудандарының бас имамдары мен жұмыс бағыттары бойынша жауапты қызметкерлері облыс бас имамы Мадияр қажы Тағайбайұлына жыл басынан бері атқарылған іс-шаралардың, сондай-ақ Рамазан айының есебін берді.

Облыс бас имамы дін қызметкерлерінің есебін қабылдап, осы уақытқа дейін атқарылған жұмыстар үшін алғысын білдіріп, алдағы жұмыс жоспары бойынша бірқатар нақты міндеттер қойды. Мадияр қажы Тағайбайұлы алдымызда келе жатқан Құрбан айт мерекесін жоғары деңгейде атап өтуге байланысты да тапсырмалар берді.