Балқаш ауданы, Бақанас ауылы – рухани кездесулер мекені
Бақанас ауылындағы Балқаш аудандық «Алатау жарық» компаниясы ұжымымен мәнді де мағыналы кездесу өтті. Рухани басқосуды аудан имамы Төрежанов Нұрдәулет Тоқанұлы жүргізіп, діннің бүгінгі өзекті мәселелері мен теріс ағымдардан сақтану жайында терең ой қозғады.
Сондай-ақ, отбасы құндылығы, ел ішіндегі бірлік пен ынтымақ тақырыптары кеңінен насихатталды. Кездесу соңында мекеме басшысы Асқар Мадіхалықұлы алғысын білдіріп, мұндай тағылымды жүздесулердің жиі өткізілуіне ниеттестігін жеткізді.
