«Ихсан тілде емес – ділде, сөзде емес – іс-әрекетте»
Алматы облысының бас имамы Мадияр қажы Тағайбайұлының бастамасымен жыл басынан бері өңірімізге қарасты мешіттерде әр жұма сайын «Ихсан тілде емес – ділде, сөзде емес – іс-әрекетте» атты шаралар ұйымдастырылуда.
Қасиетті жұма күндері Қонаев қаласы мен Балқаш, Еңбекшіқазақ, Жамбыл, Кеген, Қарасай, Райымбек, Талғар, Ұйғыр және Іле аудандарындағы құлшылық үйлерінде таң намазын жамағатпен оқу игі дәстүрге айналып, ел амандығы мен тыныштығы үшін дұға жасалып, ізгі тілектер айтылуда.
