«Мектепке жол» акциясы Іле ауданынан бастау алды
Алматы облысына қарасты Іле аудандық «Сәбденұлы Өтеген батыр» мешітінде жыл сайынғы дәстүрлі «Мектепке жол» акциясы ұйымдастырылды.
Қайырымдылық шарасына «Зекет және қайырымдылық» қорының жауапты өкілі Ринат Маратұлы және Іле ауданының бас имамы Дархан Аманұлы қатысып, әлеуметтік жағдайы төмен, көпбалалы отбасылардан шыққан 520 балаға оқуға қажетті құрал-жабдықтар салынған мектеп сөмкелерін табыс етті.
