Қарасай ауданы: 25 отбасыға көмек көрсетілді
Қасиетті Рамазан айына орай ҚМДБ Алматы облысы өкілдігіне қарасты Қарасай ауданы Райымбек ауылындағы «Қажы Зуһа батыр-қажы Арслан» мешітінде қайырымдылық шарасы ұйымдастырылды.
«Рамазан қоржыны» атты ізгі шараға Алматы облысы бойынша «Зекет және қайырымдылық» қорының жауапты өкілі Ринат Маратұлы, Қарасай ауданының бас имамы Дәуренбек Жандосұлы және жергілікті дін қызметкерлері қатысты.
Жомарт жүректі азаматтардың қолдауының арқасында жүзеге асқан шара барысында құлшылық үйінің тізімінде тұрған әлеуметтік жағдайы төмен 25 отбасыға құрбандық еті мен азық-түлік себеттері үлестірілді.
