ҚАРАСАЙ АУДАНЫ: «ДІН МЕН ДӘСТҮР» ІІІ КІТАБЫ ТАНЫСТЫРЫЛДЫ
Қарасай ауданында «Дін мен дәстүр» кітабының ІІІ томы таныстырылды.
Қарасай ауданы бойынша барлық мешіттерде жаңадан жарық көрген «Дін мен дәстүр» кітабының ІІІ томы ер және әйел жамағатына, сонымен қоса жастар арасында таныстыру шаралары жүргізілді.
Алматы облысының наиб имамы Серік Мағаз арнайы келіп жамағатқа жылы лебізін жеткізді. Ауданға қарасты барлық мешіттерде «Дін мен дәстүр» кітаптары бойынша толықтай жамағатқа оқытылу жоспарланды. Қарасай ауданының бас имамы Дәуренбек Жандосұлы мешіт жамағаттары арасында аталмыш кітаптан жарыс болатынын мәлімдеді.
«Үшкемпірұлы Жақсылық» мешітінің имамы Құдайберген Шохан сөз соңында арнайы келген қонақтарға және жалпы дүйім жамағатқа алғысын жеткізді.
