ТАЛҒАР АУДАНЫ: РАТБЕК ҚАЖЫ НЫСАНБАЙҰЛЫ ЖАМАҒАТПЕН КЕЗДЕСТІ
Талғар аудандық ” Әбу Бәкір ас-Сыддық ” мешітінде тұңғыш мүфти Ратбек қажы Нысанбайұлының жамағатпен кездесуі ұйымдастырылды.
Ратбек қажы Нысанбайұлы қасиетті жұма күні аудан жамағатына “Ислам тарихы ” тақырыбында уағыз айтып, жылы лебізін жеткізді. Жамағат, аудан тұрғындары, шәкірттері хазіретке зор ілтипат білдіріп, құрмет көрсетті. Аудан имамы Ерқанат Серікұлының бастамасымен Ратбек қажы Нысанбайұлына көпшілік атынан тұлпар сыйға тарту етілді.
